طاجين سوسي

السلام عليكم و رحمة الله و بركاته

عيدكم مبارك سعيد و كل عيد و انتن الى الله اقرب بالحسنات و صالح الاعمال يا رب

اليوم راجلي فاق بكري و قال غايتغدا معايا قبل مايمشي للخدمة ههههههها
ايوا هدا الطاجين اللي حضرت ليوم الجمعة المباركة تفظلو قبلو عليه

و راه طاجين سوسي بحال اللي كتلقاو في الطريق ديال الجنوب جامع مابين الحلاوة و الحموضة ههههها في نفس الوقت ههههههههها

حاجتنا في

اللحم الغنمي القدر اللي بغيتي
بصل مشنف
كزبر و معدنوس مفرومين
برقوق معسل و زبيب مرطب في ماء دافئ و لوز محمر
زيتون حار ثوم
سمينة زيت زيتون ملح
ابزار سكينجبير بسيبيسة و قعقلة
قرفة و شوية عسل

في طاجين سخون من قبل
كنحمسو اللحم مع البصلة واحدة و شوية الربيع في الزيت الين يدبل
من بعد نوجد زلافة كنوضع فيها التوابل و نخلطها بنف كاس ماء غليان
نفرغها على اللحم و نخلي شوية منها و نسد على الطاجين و نخليه على نار متوسطة جهد ربع ساعة
كناخد باقي البصل و نضيفو فوق اللحم و نزينو بالزيتون و الربيع و نكب باقي
المزيج التوابل و نسد على الطاجين وننقص العافية بزاااااااااف و نخليه يطيب
على خاطر خاطرو تقريبا ساعة

نصيحة للطياب في الطاجين و المحافظة عليه بقاو طيبوه على نار قليلة
و على الحديدة اللي كتوزع الحرارة و تحميه من الطرطيق و الحريق و بالتالي يطول عمرو اكثر

في هدا الوقت كنصيب السلاطة عبارة عن طماطم و جدور الكرافس الخص البصل الفجل الخيار
كنقطع كولشي مكعبات و نحضر صوص عبارة عن زيت ويتون ملح عصير حامض زعتر و حبق مجفف و ابزار و نخلط الجميع
كنصلق البروكولي ونملحو و نبزرو صافي و

كنعسل البرقوق بشوية العسل و القرفة و نظيفو على الطاجين ملي يقرب يطيب و
نظيف الزبيب تاهو و كنمرق بديك لصوص اللي تعسل فيها البرقوق كنصبها خويطات
فوق الطاجين كولو باش تجي فيه نسمة الحلاوة
الطاجين ديالي وجد زينتو بشرائح اللوز المحمر
و رافقتو بالسلطة و عصير الاناناس و كوكا و خبيز تاع الدار
مع اني عارفة ماغايتكالش ههههها
و لكن لابد مندير مائدة مغربية بغا و لا كره هههههها

هاهو الطاجين عن قرب...

هدا قبل ...

و هدا بعد ههههها ...

كنتما تقبلو على هدا الطويجن و بصحتكم و راحتكم العواشر و تعيدو و تعاودو بادن الله

اللهم ادمها نعمة و احفظها من الزوال يا رب العالمين

» طاجين البطاطا